„Lachčipe e Romengero“
Vakerenpe šukar alava za o amala
Osim i redovno nastava ani oš Branko Radičević realizuvinelpe baro brojo vannastavne aktivnostija. O učenikoja kedenpe ano različite sekcije tharo recitatorske djo literarne, preko o dramske djo ekološke, ki save jle pinjdarde ani Srbija. Neguvinelpe i o sportsko duho i organizuvinelpe različite sportske takmičenja. Posle o završime časoja ali ano vreme odmora, o školsko hol postaninel tan taro sportske aktivnostija.
I učenica tharo šovto razred ani oš Branko Rdičević i Nafija Sulejmanović, zadovoljni jli sa o znanje savo stekninel ali i atmosfera ani škola. Pučljamo la da li volinel te djal ani škola i sar osetinelpe ano plo okruženje?
Ani škola osetinam sigurno. Volinav te djav ani škola, osetinama prihvatimi. Sare man prihvatije ano svako smislo, sar vakerel i Nafija, i dodainel khaj najviše ani škola volinel adava so la sare poštuvinen, so poštuvinen lakeri romani nacionalnost. I Nafija objasnija i soske jlo lake omiljene predmetija o srpski thaj i veronauka.
Ko okružno takmičenje tharo Rasinsko okrug ano recitovanje osvoijum prvo tan sa i gili Kad o knjige aven ani moda tharo Pedja Trajković, ani kategorija tharo 5. djo 8. razred.
Takodje, taro nastavne predmetija izvoinav i veronauka jer podstakninel o sikavnipe i stekninelpe široko znanje. Sima laće ocene, istakninama i jednostavno volivan adala predmetija, sar zaključinel i Nafija.
Iskoristijamo i prilika te lake poželinamo uspeh ano dalje takmičenje. Za uzvrat ko poklon dobijamo o stihoja gila tharo Milovan Danojlić Akava raklo akarelpe Pepo Krsta.
Za o šukaripe e Nafijakero baripe i khaj pohadjinel i škola but doprinesinel i lakeri majlaći drugarica i Miljana, kasa družinelpe tharo trito razred. Uz razumevanje, prihvatanje, odanost, medju o majšukar osobine thari lakeri drugarica, i Nafija posebno izvoinel o poštovanje savo i Miljana ukažinel. Adaleske i Miljana jli majlaći, sar vakerel i Nafija, iako ano lakero okruženje još drugarice si andaro razred.
I Nafija planirinel te dalje nastavinel o školovanje i usavršavanje, a maštinel i pes dikel sago pripadniko Vojske Srbije, sa džukel pašo o pro i puška ko piko.
„O obrazovanje jlo bitno za budućnost i pristojno životi za sa o čave, a na samo romane, smatrinel i Nafija i adaleske jli spremno te uložinel dalje napori i trudo zarad te steninelpe nevo znanje. Prekomerno upotreba i khaj koristinelpe o mobilno telefoni, više odmažinel, nego so pomogninel e čavenge na samo ano obrazovno proces, već i ano životi uopšte. Vrlo retko, soj jlo neuobičajno avdive koristinav o telefoni. Volionav te sima ali i te čitinav, pisinav gilja, provedinav vreme ani priroda, prastav. Smatrinav kaj jlo adava majlaće i kvalitetnije utrošimo vreme, nego isključivo prelistavanje i dopisivanje ko telefoni“.
I radionica Uputime šukar alava za o drugarija ani oš Branko Radičević ani Razbojna,zajednički, diko uz diko realizuvinen o učenikoja andaro sa razedija. Sare potrudijepe te korkore osmislinen i pisinen nesavo šukar alav ili rečenica, a o majterne te nešto crtinen.
Medju lende jli i učenica tharo eftato razred i Katarina Kričak andaro gav Žunje, savi pisija duj šukar rečenice i izrazija želja te len podelinel amenca.
„Nane bitno savi sijan nacionalost, vera. Bitno jlo te sare družinamen jer sijamo iste“.
Poruka pripremija i učenica tharo padžto razred savi bi sar oj vaker, sare treba te koristinamo.
„Nane važno te amare prijateljija aven sago amen. Jer nane važno o izgled, ako jlo neko laćo duboko andari duša“.
I Sanja Kričak andaro eftato razred poručija za sa o drugarija.
„Sre sijamo iste. Nane važno te amare prijateljija aven safo amen, jer o izgled nane bitno“.
I radionica Uputinenpe šukar alava za o drugarija završimi jli sa i demonstracija o zajedničko oslikavanje ko aparati savo jlo dobimo zahvaljujući za o projekti Učeničke zadruge Gnezdo. Ano praktično rado učestvuvije sare podjednako, o Strahinja Pavlović i Nafija Sujemnanović sa ple drugarija. I ano okviri I Djačko zadruga ustanovimi jli i školsko tradicija tolerancije i poštovanja različitosti kroz zajedničko rado o učenikoja.
Inače, i djačko zadruga Gnezdo, podržimi taro reosrno Ministarstvo, pokrenimi ano februar 2020. Breš, sa ciljo te podstakninelpe o preduzetništvo i praktične veštine i kreativnost, sikavnipe kroz o rado.
Ki akava način ani škola spoijape šukar sa krisno, jer o majice save slikije tokom o odmor ili posle o časoja, silen kupcija, ai obuka za o rado ki akaja mašina, sar vakeren o članoja zadruge, nasina pari a i presa jednostavno za rukovanje.
